CHAPTER 38

“P-PAANO pala kayo napunta ni April sa lugar na ’yon, Fritz?” tanong ko habang malayo-layo na ang nababaybay ng sasakyan ni Fritz. Kahit papaano talaga ay nakahinga na ako nang maluwag na makakauwi na ako sa amin dahil si Fritz at April na ang nakakita sa akin kanina.

“No’ng isang linggo pa talaga kami nagpapabalik-balik sa lugar na ’yon,” si April ang sumagot.

“Nang malaman ko kasi ang nangyari kay Jass, nag-alala ako para sa ’yo. Tapos nakatanggap pa ako ng tawag galing kay April at sinabi niyang nagpunta ka raw sa resthouse ng jowa ni Jass nang gabing mangyari ang krimen sa kaniya. Sa labis na pag-aalala ko para sa ’yo, sinabihan ko si April na samahan akong pumunta rito para hanapin ka. Wala pa kasing balita ang mga pulis tungkol sa ’yo. Ilang araw na kaming bumabalik sa resthouse ni Wigo at sa mga kalapit na lugar para hanapin ka. Mabuti at kanina nakita ka na namin habang nagpapahinga kami roon ni April.” Pagpapaliwanag ni Fritz sa akin.

I took a deep breath and smiled sparin