CHAPTER 39

“MS. GOMEZ, pasensya na po! Pero hindi po natin puwedeng i-detained si Ms. Martinez hanggat wala pa po tayong sapat na ebidensya na makapagpapatunay na siya nga ang may kagagawan sa nangyari sa anak ninyo,” sabi ng pulis na kumausap sa amin ng mama ni Jass.

Nasa presinto kami ngayon. Sumama na ako sa mga pulis kanina dahil nagwawala na si Tita Mary Anne sa hallway ng ospital. I was also not to blame for what happened to Jass, so I wasn’t afraid to go with them.

“What? Akala ko ba kapag nahanap na ang babaeng ito ay makukulong na siya dahil sa nangyari sa anak ko? Tapos ngayong nandito na siya sa harapan ninyo ay sasabihin n’yo sa akin na hindi ninyo siya puwedeng ikulong?” nanggagalaiting tanong nito.

“Tita May, wala naman po talaga akong kasalanan sa nangyari kay Jass,” sabi ko.

Matalim na titig ang ipinukol nito sa akin. “Wala? E ikaw lang naman ang nagtungo sa rest house ni Wigo nang gabing iyon, hindi ba? Tapos bigla kang nawala. So sino ang sisisihin ko sa nangyari kay Jass, Po