CHAPTER 70 (THE REVELATION)

JADE’S POV

W A L A . . . na sila sa baranggay hall, pero pakiramdam ni Jade ay naroon sila para sa isang paglilitis.

Pinaupo ni Mang Ino ng mag-isa si Red sa kahoy na sofa. Habang siya naman an sa armchair na yari din sa kahoy nito pinaupo.

Kumuha naman ng stool si Mang Ino at pumwesto sa kabilang ibayo ng lamesa, sa tapat ni Red.

Pinagkrus nito ang dalawang braso sa tapat ng dibdib at matamang pinakatitigan ang binata. Ganoon lang ito magmula nang dumating sila galing sa baranggay.

Ilang sandali na ang lumipas ay hindi pa rin ito nagsasalita at nanatili lang na nakatitig kay Red na para bang gusto nitong tunawin ang huli.

Hindi niya naman masabi kung ano ang nasa isip ng binata. Wala kasi siyang nababasang kahit na anong emosyon sa mukha nito. Tuwid na nakaupo lang ito habang nakapatong ang dalawang kamay sa magkabilang hita, na para ba itong isang sundalo na nasa harap ng superior nito.

Teka, e sundalo nga pala itong kumag na ‘to, aniya sa isip.

“Red,” sa wakas ay nagsalita na