CHAPTER 71 (NAKAKALITO)

JADE’S POV

I L A N G . . . beses siyang kumurap-kurap dahil baka namamalik-mata lang siya. Papasok na kasi sana siya sa trabaho. Pero natigilan siya sa may pintuan nang makita niya si Red na nakatayo sa may labasan nila. Nakapamulsa ito habang sinisipa-sipa ang maliliit na bato sa kinatatayuan nito.

Nang marahil ay maramdaman nito ang prisensya niya ay agad itong nag-angat ng tingin. Awtomatikong itong ngumiti nang makita siya.

Talaga ba kayang tototohanin nito ang sinabi nito kahapon?

FLASHBACK:

Hanggang sa magkapaalamanan sina Mang Ino at Red ay hindi na siya lumabas mula sa pinagtataguan niya sa kusina.

Masyado pa siyang overwhelmed sa mga narinig at nalaman niya.

“Isa lang sana ang hihingin ko sa’yo Red,” narinig niya pang hirit ni Mang Ino bago tuluyang umalis ang binata.

“Ano po ‘yon?” tanong naman ng huli.

“Mabuting bata si Jade. Masyado lang mahirap at masakit ang mga pinagdaanan niya sa buhay, kaya siya ganyan. Sana ay kahit na ilang beses ka niyang itaboy o ipagtulakan