CHAPTER 36: IN BAD TIMES

Wala si Madonna sa burol. Hindi siya makontak ni Rico at nakalimutan na rin niya itong paalalahanan sa araw ng libing ng bata. Umalis si Mona at nangibang-bansa sa labis na kalungkutan. Gusto na niyang ipahanap si Sandra sa mga private investigator. Hindi pa rin nakaalis si Rico sa ospital. Si Gibo naman ang kanyang binabantayan.

“Anak, gumising ka na. Ipaliwanag mo sa akin kumbakit ka may balat ng pregnancy test. Nag-away ba kayo ng girlfriend mo? Nabuntis mo ba siya at nag-away kayo? Ipina-salvage ka ba ng kapatid ng girlfriend mo?” Naisip niyang baka gangster ang pamillya nito upang ipapatay siya. Wala talagang ibang lead sa krimen kundi ang paggising nito at siya mismo ang magpaliwanag noon.

Madalas pa ring puntahan ng mga pulis ang ospital upang makibalita kung gumising na ba ang biktima.

“Nahanap na po ba ninyo ang kotse ng aking anak?”tanong ni Rico. Iniabot ng pulis ng larawan.

“Nakita po namin ang kotse sa parking area ng ospital na ito.”

“Ano?”

“Yes, Sir. Nandito lang