CHAPTER 48: MONTAGUE BLUEBIRD IS BACK!

Mahimbing na nakatulog si Sandra sa sobrang pagod. Hindi siya magawang gisingin ng lalaki.

“Mas makakabuti po siguro na maipasailalim sa isang witness-protection program si Gibo.”

“Ha, bakit?” Pinuntahan ni Monarch si Rico at sinabi nito ang posibleng sitwasyon. “Hindi iyan magagawa ni Chandler sa kanyang kapatid. Saksi tayo sa hindi nila pagkakaunawaan pero ang pumatay ay hindi ko kayang tanggapin.”

Hindi makapaniwala si Monarch sa naging tugon ni Rico. Ipagtatanggol nito si Chandler. Tiyak na magagalit si Sandra kapag narinig ito sa ama.

“Kung nakaligtas si Gibo ngayon, maaaring bukas o sa isang araw ay hindi. Ang taong may balak na masama ay makakagawa ng paraan upang patahimikin ang mga taong magbubunyag ng totoo sa lahat.” babala ni Monarch.

Nagalit na si Rico kay Monarch. “Hindi ito ang inaasahan ko s aiyo, Monarch. Itikom mo ang bibig mo. Ayokong makakarinig pa ng isang salita sa iyo laban sa aking anak.”

“But I will protect Sandra at all cost. Kahit buhay ko pa ang kapal