Chapter 31

✿♡ JAZZLENE ♡✿

“If you ever talk shit about her again, I swear, I’m gonna make sure you’ll rot in hell forever.”

Yakap ko si Adam sa baywang, nasa bandang likuran niya ako habang binabantaan niya si Dom na ngayon ay hindi makatayo dahil mukhang nahilo ito sa dalawang beses na suntok na tumama sa kaniyang mukha.

Hindi ko gusto ang binitawan niyang salita sa akin kanina, pero aaminin kong naaawa ako sa kaniya ngayon, dahilan kaya mahigpit ang kapit ko kay Adam para hindi na niya maabot pa si Dom. Baka kasi sa ikatlong suntok niya at tuluyan na itong mawala sa ulirat.

“Adam, halika na. Bago pa may dumating na security or pulis!” Pinilit ko na siyang hilahin papunta sa sasakyan niyang nakahinto malapit sa club. Walang security or bouncer sa labas sa pagkakataong ‘to at ‘yon ang ipinagpapasalamat ko dahil kung mayroon, baka si Adam ang masisi imbes na si Dominic.

Noong pareho na kaming nasa loob ng sasakyan, salubong ang kilay ko siyang hinarap. “Bakit mo naman sinaktan agad si