CHAPTER 24- CONFESSION

Napabuntonghininga ako nang mapagtantong malapit na palang gumabi na naman pero nasa kama pa rin ako at nakahilata pa rin.

Hindi ko alam kung ano na ba ang nangyayari sa labas. Kung may tao pa ba dito sa camp o baka nasa mansiyon na ng mga Mhinn ang lahat. Napagod din kasi ako kanina sa book signing kaya naman nakatulog ako pagkauwing-pakauwi ko.

Isa pang matunog na singhap ang aking pinakawalan bago bumangon. Dumiretso na ako sa shower room. Pagkatapos kong maligo ay lumabas na rin ako ng kwarto at pumanhik sa kusina. Tao pa rin naman kasi ako, nagugutom kahit gaano pa ka-stress ang araw.

Akmang bubuksan ko na ang refrigerator nang maramdaman kong may tao sa bandang likuran ko. Napalunok pa ako at inihanda ang aking sarili bago ito hinarap.

Nakahinga ako nang maluwag nang mapagtantong si Lovimer iyon at bihis na bihis na.

Ang gwapo... No, erase that. Masama pa rin ang loob ko sa kanya.

"What are you doing here? Get out," pagtatabuyan ko sa kanya.

Napakunot-noo ako dahil sa pagtat