CHAPTER 30- THE REASON

"Congratulations, Beatrice. You're now a certified Prime Agent of Guieco Clan," saad ni Marciella.

Napaupo naman ako dahil sa pagod na nararamdaman. Kakatapos ko lang ng huling pagsubok na ibinigay nila. Akala ko ay katapusan ko na talaga eh. Mabuti na lang talaga at nasa kondisyon din ang katawan ko kaya hindi agad bumigay sa mga gasgas na nakuha ko kani-kanina lang.

"Thank you," iyon na lang ang naiusal ko.

Tumayo na ako at naglakad na papuntang flat. Naligo lang ako pagkuwa'y lumabas na rin para tumambay sa benches. Gusto kong makalangghap ng sariwang hangin.

Kakaupo ko pa nga lang ay nakita ko na si Shane at Gabriella na papalapit sa kinaroroonan ko. Sabado ngayon kaya wala silang mga pasoksa MHIS. Paniguradong mabibingi na naman ako sa kaingayan nilang dalawa.

"Gwapo at mabait naman si Vlad pero hindi ko talaga type. Ewan ko ba? Magma-madre na lang talaga siguro ako," rinig kong saad ni Gabriella sabay upo sa kabilang bench. Tumabi naman sa kanya si Shane.

"Sus, lagi ka nama