Chapter 51

Pinilit kong lumabas nang unit ko kahit na alam ko sa sarili kong hindi ko pa talaga lubos na kaya. Nagmadali ako upang makarating nang mabilis sa opisina ni Gabriel. Balak kong sabihin sa kniya ang tunay na nangyari. Pagkaalis ni Felicity sa silid ko kanina'y mas nalugmok ako't nahirapan na tanggapin ang nangyari.

Ginagawa akong puppet at pinapasunod sa nais niya. Tandang-tanda ko kung paano niya ako habulin at saktan nang nasa ilalim kami ng karagatan. Pinilit niyang kuhain ang Crystal kahit na labag 'yon sa akin. 

Tinakot niya rin ako't pinagbantaan na sasaktan ang mga kaibigan ko kapag nagsabi ako nang tunay na nangyari. Kaya naman kahit masakit ay itinuro ko si Victoria. At ngayon pinapanalangin ko na sana'y nasa mabuti siyang kalagayan. Nawa'y hindi siya mahuli ng mga ghouls. 

Ngunit sa kabila nang lahat ay labis-labis ko pa ring pinagtataka ang tunay na katauhan ng nasa katawan ni Felicity. Batid ko nang