CHAPTER 59

CHAPTER FIFTY-NINE

GAEL'S POV

HINDI pa tuluyang sumisikat ang araw ay tumayo na ako mula sa pagkakahiga, hindi ako nakatulog ng maayos dahil sa labis na pag-aalala para sa anak ko. I stretched my body before walking through the bathroom. Agad akong naligo at nag toothbrush bago lumabas suot ang roba. Dumiretso ako sa cabinet at kumuha ng masusuot ko, isang shirt at beach short lamang ang kinuha ko para suotin dahil pupunta lang naman kami sa katabing isla para magtanong.

Sinulyapan ko si Dace na natutulog pa ngayon, alam kong hindi ito nakatulog kanina dahil alam niyang pwede akong lumabas ng kwarto kapag natulog siyang gising pa ako. Muli akong bumalik sa cr at nagbihis na, matapos iyon ay nagtawag na lamang ako sa isang restaurant sa islang ito upang padalhan kami ng pagkain. Lumapit ako sa kama at kinuha ang aking telepono. 

Bahagyang niyugyog ko rin ang balikat ni Dace upang gisingin ito.