Chapter 61

Mula sa tapat ng Smith International Communication Company ay humimpil ang mamahaling sasakyan ng mag-asawang Esmeralda at Lucio. Pagkababâ ng sasakyan ay nakangiti na pinagmasdan ni Esmeralda ang matayog na gusali sa kanyang harapan. Ang kumpanyang ito ay naghuhumiyaw sa kapangyarihan,at karangyaan dahil sa pader nito na gawa sa salamin. Kilala ito sa pinakamalaking kumpanya sa buong bansa at ilang dekada ng namamayagpag.

“Nakikita mo kung gaano kayaman ang mga Smith, Sweetheart? Ang gusali na nasa ating harapan ay isa lamang sa mga branch ng kanilang kumpanya na naka-base sa Europe.” Matinding paghanga ang lumarawan sa mukha ng asawa niyang si Lucio habang marahan itong tumatango.

“Sadya palang nakakamangha ang yaman ng pamilyang ‘yan, Sweetheart.” Komento ni Lucio habang nakamasid din sa higanteng gusali.

“Don’t worry, Sweetheart, dahil darating ang panahon na magkakaroon din tayo ng sariling kumpanya na katulad ng nasa ating harapan.” Tila nangangarap na wika ni Esmeralda n