Chapter 65

Patricia’s Point of view

“Hindi ko na alam kung ano ang gagawin ko sa nangyari kahapon sa fashion show. Aminado naman ako na mali talaga ang ginawa ko. Nagpadala ako sa galit na nararamdaman ko kaya nakalimutan ko na nasa ibabaw kami ng entablado at nasa harap pa mismo ng maraming tao. Maghapon na akong nagkukulong dito sa loob ng aking silid. Hindi ko magawang lumabas ng bahay dahil sa matinding kahihiyan. Mabilis na kumalat sa social media ang nangyaring eksena sa pagitan namin ng babaeng taga bundok na ‘yun. Ngayon ay masama ang tingin ng lahat sa akin, at kung ano-anong masasakit na salita ang ibinabato nila sa akin. Kaya hindi ko rin mabuksan ang lahat ng online account ko dahil baka hindi ko mapigilan ang aking sarili at mapatulan ko lang ang mga taong kumakastigo sa akin.

Nanginginig ang kamay na dumukot ako ng isang stick ng sigarilyo upang kahit papaano ay humupa ang tensyon nararamdaman ko. Hithit, buga ang aking ginawa habang nakatayo sa terasa ng ginagamit kong silid. W