Chapter 41

Blanca

Nakita ko ang pagguhit ng noo ni Simon tanda na naguguluhan siya sa mga sinasabi ko. Napasandal naman ako sa upuan at saka ko siya matamang tinignan.

“Hindi mo naman aaminin kahit anong mangyari hindi ba? Pero sapat na ang ebidensyang nasa sayo ang mga titulo ng lupa ni tatay para mapatunayan kong ikaw ang dahilan ng lahat ng gulo sa pamilya ko!” Kalmado pa ako pero naglalaro na sa isip ko kung paano ko tatapusin ang buhay niya

“Wala akong ginawa, iha. Legal ang pagkakabili ko sa lupain na iyan. Hindi ako ang tipo ng tao na gagawa ng hindi maganda sa kapwa para lang makuha ang gusto ko.” patuloy na tanggi ni Simon

Napahinga ako ng malalim. Matigas din ang matandang ito. Hindi din talaga papahuli ng buhay.

“Kung ganon tama nga ang hinala ko, ikaw ang anak ni Beatrice?” tanong niyang muli sa akin

“Paano mo nakilala mo ang nanay ko?”

“Nung una kitang makita sa launch, napaisip na ako dahil kamukhang kamukha mo talaga siya.” Panimula nito pagkatapos ay huminga ng malalim.

“Handa k