Chapter 21

Katatapos lamang ng huling subject nila ng araw na ito at sabay na lumabas ng classroom sina Diego at Ali. Habang naglalakad sila ay tumunog ang cellphone ng binata kaya natigil sila sa pag-uusap ukol sa garden nila na hindi pa tapos na mabungkal. Tumahimik siya at hinayaan itong kausapin nito ang kung sino man na tumawag rito.

Narinig niyang tinawag nitong uncle ang nasa kabilang linya. Bago biglang nanlaki ang mata nito at bumakas ang pagkataranta sa mukha nito at napahinto pa sa paglalakad.

Takang huminto rin siya at kunot ang noong tinignan ito.

“What? Y-You're here at my university?” tanong ni Diego at napasulyap sa kanya.

Naiintindihan niya kung bakit ganito ang reaksyon ng binata. Noong araw na nakita niyang may sumundo rito ay nahulaan na niyang hindi ito isang ordinaryong estyudante lang. Galing ito sa mayamang pamilya. Pero hindi siya nagtanong sapagkat nererespeto niya ang kagustuhan nitong ilihim ang pagkatao nito. Kaya kung ayaw nitong sabihin sa kanya ay hihintayin niyan