Chapter 30

ANGELA

Kung wala din naman akong pagpipilian kundi ang pumayag sa gusto niyang mangyari bakit ko pa patatagalin. Nasaktan ako noon pero wala akong galit sa kanya. Hindi naman kasi kami dumaan sa maayos na relasyon kundi sa sapilitang kasal at utang na loob. At hindi naman nagbago ang nararamdaman ko para sa kanya. Sa totoo lang masaya ang puso ko sa lahat ng narinig kong paliwanag niya. Buong akala ko ay wala talaga siyang nararamdaman para sa akin. Ngunit ngayon kitang-kita ko sa mga mata niya ang pagsisisi. At sino ba namana ako para hindi magpatawad.

Ngunit hindi ganun kadaling bumalik sa kanya. Dahil maraming mga naka-line-up na proyekto ang Amore sa akin. Naging matagumpay ang launching ng empress products. Bukod sa tumaas ang sales ng Amore. Maganda din ang naging feedback ng mga gumamit nito. Bukod doon magiging abala ako sa Amore dahil yun ang sinabi ni Tito sa akin. Pinagkatiwalaan nila akong maging ambassadress ng Amore kaya hindi ko sasayangin ang tiwalang ibinigay nila sa