Kabanata 23: Alleged

ANG SINAG ng araw ang gumising sa natutulog na si Xandra kinaumagahan. Nang una ay ganado pa itong nag-unat-unat ng kaniyang braso pero natigil din nang hindi ang bahay nila ang siyang bumungad sa paningin niya. She had never been here before.

Ang huli niyang naalala kagabi ay ang pagdiriwang nila sa kaarawan ng boss nila. Nalasing siya at hindi na niya namalayan pa ang mga sumunod na nangyari matapos niyon.

"Hindi ito ang condo ni Nathan. Nasaan ako?" bulong niya sa kaniyang sarili dahil tanda pa niya ang bawat detalye sa lugar ng lalaki noon.

Napadako ang kaniyang tingin sa damit niya. Nanlaki ang kaniyang mata dahil sa gulat. Hindi iyon ang kaniyang suot kagabi!

Unti-unti na siyang dinagundong ng pangamba lalo na noong masilayan niya ang isang libo na nakalatag sa mini table na nasa kaniyang tabi.

'May lalaki bang gumalaw sa akin nang hindi ko namamalayan? Ang pera bang ito ang kabayaran niyon?'

Napailing-iling siya. Pinilit niyang ikalma ang kaniyang sarili dahil walang mangyayari