Chapter 21

Third person point of view

"Senyorita Florence, nagdala po ako ng pagkain ninyo!" Sigaw ng katulong kasabay ng mahinang pagkatok mula sa labas ng kwarto ni Florence.

Hindi niya pinansin ang katulong, pinanatili niya ang atensyon niya sa larawan ni Connor na naka-save sa cellphone niya.

"Please senyorita, kaninang umaga ka pa hindi kumakain makakasama sa kalagayan mo iyang ginagawa mo," pangungunsensya nito.

Hindi niya pinakinggan ang kahit na anong sabihin nito, sawa na siya at hindi na niya kayang magpatuloy pa, maging ang mga luha niya ay hindi na rin kinayang magpatuloy pa.

"Senyorita!" Sigaw na ng katulong nila at malakas ng kinalampag ang ang pinto ng kwarto niya.

"Why the hell are you banging that door!?" Dinig niyang pasigaw na tanong ng Mommy niya sa labas.

"S-Si s-senyorita p-po k-kasi h-h-indi b-binubuksan ang pinto ng k-kwarto," nauutal dahil sa kaba na sagot ng katulong.

"Get the keys, now!"

Kinabahan siya pagkarinig sa sunod na sinabi ng Mommy niya at hindi niya alam kung