TRES 6

TRES

"So, gusto nilang bilhin itong mall sa dobleng halaga? You're right, sir! I smell something fishy!"

Naiiling akong sumandal sa upuan ko habang nagbabasa ng report. Kanina pa salita nang salita si Raquel. Pinapaalis ko na ito pero nandito pa rin at walang tigil sa pang-iistorbo.

"Can you please get out? I can't concentrate."

"Sir, gusto n'yo bang magpa-background check ako? O pasundan ko kaya sila? Malay n'yo, may malaman tayo!"

"Raquel, ang gusto kong mangyari ngayon, lumabas ka ng opisina ko dahil ang daldal mo. Hindi ako makapagtrabahao."

"Alam mo, sir, naisip ko lang iyong sinabi ni Sir Dos." Lalo pa nitong inilapit ang upuan sa desk ko kaya napailing na lang uli ako.

Tuluyan ko nang binitiwan ang mga reports na pinag-aaralan ko at tumitig sa kaniya. Parang wala siyang narinig. Hindi ko tuloy alam boss ba niya ako o katsismisan.

"Paano kung itong mga Hidalgo ang nagpasunog ng mall n'yo? Kasi di ba, sakto ang timing nila! Nagkaroon ng sunog, at bigla naman silang dumating at in