Book 7: Chapter 11-Marahas na halik

SUNOD-SUNOD ang paglunok ni Ellah sa sariling laway nang muling madama ang init na nagmula sa palad ni Cloud. Lalo lamang gumapang ang kakaibang kilabot sa bawat himaymay ng kanyang katawan nang mapatitig siya mga mata nito. Kilabot, hindi dahil sa takot na naaaninag niya sa mga mata nito na tila gutom na lobo kung makatitig sa kanya. Sa halip ay excitement ang nadaramang umusbong sa kanyang malanding diwa sa kaalamang natatakam sa kanya ang binata. Wala siyang pakialam kung dahil sa galit, ang mahalaga ay nakukuha niya ng buo ang atensyon ng binata.

"Scared?" Lalong lumapad ang pagkangisi ni Cloud nang madama ang pagbilis ng pintig ng puso ni Ellah. Dama niya iyon nang pasadahan niya ng kanyang daliri ang punong dibdib nito.

"Of course not!" Tuwid ang dila na sagot nito sa binata at iniliyad pa ang dibdib sa harap nito. Siya naman ngayon ang napangiti ng matamis nang makita ang paggalaw ng adams apple ng binata. Nang maramdaman ang pagluwag ng pagkahapit ng isang kamay nito sa kanya