Book 7: Chapter 16-Pangungumbinsi

"SORRY, Boss!" nakatungo pareho ang ulo nila Wigo at Amalia sa harap ni Cloud. Kalmado ang abogado ngunit alam nilang galit ito dahil sa kapalpakang kanilang ginawa. Hindi nila akalain na ang hepe na kaibigan ng kakilala ay tauhan ng kalaban.

"Gusto kong itakas ninyo ang aking ina at si Yaya. Ako na ang bahalang humarap at umayos sa kaso na ipaparatang nila sa akin."

Parehong nakahinga nang maluwag sina Amalia at Wigo pagkalabas ng sasakyang ni Cloud. Doon lamang sila nag-usap sa loob ng kotse. Sobrang kaba nila na baka masisante sila sa trabaho dahil sa nangyari.

Tahimik na nilisan ni Cloud ang lugar kung saan sila nagkita nila Wigo. Mahigpit ang pagkahawak sa manubela at pinaharurot ang takbo pabalik sa bahay nila Ellah. Hindi niya akalaing mabilis ding magtrabaho ang kalaban. Inaamin niyang sobra siyang nagmamadali kaya pumalpak ang trabaho. Nagpadala siya sa bugso ng damdamin para sa ina at sa isang babae.

Tinawagan niya si Ellah ngunit nakapatay ang cellphone nito. Nabalitaan ni