Book 7: Chapter 9-Ang sakit ng ina

"NASA loob ang daddy mo."

Kahit pabulong ay dinig ni Cloud ang sinabi ng ginang na siyang sumalubong sa kanila pagkababa ng kotse. Kararating lang nila at tanging driver ang sumundo sa kanila mula airport. Bakas ang pagkabalisa sa mukha ni Ellah na ipinagtaka niya. Napatitig siya sa ginang, kung hindi siya magkamali ay ito ang ina ni Raiko.

"Ahm, tita," tumikhim muna si Ellah bago nagpatuloy. "Siya nga po pala si Attorney Cloud Mist, acting C.E.O ng ating kompanya." Pakilala niya sa binata sa kaniyang tiyahin.

"Goodmorning," inabot ni Cloud ang kamay sa ginang upang makipagkamay. Madaling araw sila umalis sa Manila kaya maaga pa silang nakarating sa tirahan ng mga ito. "Ikinagagalak ko pong makilala kayo."

Nauna nang pumasok si Ellah sa loob ng mini mansyon na bahay. Naiwan siya kasama ang ginang at nasa mukha rin nito na tila nababahala.

"Kumusta ang beyahe ninyo?"

Lalong kinabahan si Ellah sa pinapakitang ugali ng ama sa kanya ngayon. Malumanay ang tinig nito at nasa mukha ang kas