Book 8: Chapter 25-Gulo sa emergency room

"SINO po ang asawa ng pasyente?" Iginala ng may edad na doctor ang tingin sa lahat ng naroon sa labas ng emergency room.

"Kumusta na po siya, Doc?" hindi na inintindi ni Max kung sino ang hinahanap ng huli.

"Kailangan ko po makausap ang asawa niya." Magalang na sagot ng Doctor sa kaharap.

"Ahm, doc," lakas loob nagsalita si Wigo. Nag-alala siya na baka mapagkamalan na tatay ni Amalia si Max at masuntok pa ito ng huli.

"Ikaw po ba ang asawa? Sumunod ka po—"

"Naku, hindi po!" mabilis na putol ni Wigo sa iba pang sasabihin ng manggagamot. Mabilis niyang itinaas ang dalawang kamay nang matuon sa kanya ang matatalim na mga titig ni Max. "Gusto ko lang pong sabihin sa inyo na siya ang asawa ng pasyente." Tinuro niya si Max gamit ang kanyang nguso at mga mata ay nakatutok kay Max. Ayaw niyang gamitin ang daliri at baka biglang maabot iyon ng huli at baliin.

"Ohh, sorry!" Bahagyang iniyuko ng Doctor ang ulo kay Max. " Congratulation po dahil maging tatay ka na.

Nagugulohan na inabot ni Max a