Chapter 18 (2) Losing Hope

Chapter 18 (2) Losing Hope

(Angie POV)

Lumabas ako ng bahay. Nag-iwan ako ng sticky note sa tabi ni Mr. Choi, para hindi siya mag-alala sa paghahanap sa akin. Sisiguraduhin ko naman na makaka-uwi ako ng wala namang mangyayaring masama sa akin. Maghahanap lang ako ng trabaho na maaring dalhin sa bahay. Yung paghahabi. Yun kasi ang ginagawa namin noon ni Mama. Yung kamay ko nangangati nang gawin ulit ang simpleng trabaho na yun. Nakakawili at di naman kailangan masyado pag-isipan ang proseso.

Sa labas pa lang ng bahay nang may ari ng habihan ng abaka, kaagad nang nagsilingunan sa akin ang ilang babae na abala sa ginagawa nilang paghahabi. Kaagad naman lumapit sa akin yung isang binatilyo na sa tingin ko siya yung batang lalaki noong kumukuha pa kami ng abaka dito na i-hahabi namin sa bahay.

“Nariyan ba ang Nanay mo?”

“Opo. Tuloy po kayo.”

Tumuloy na nga ako. Di maalis ang titig ng ilan