CHAPTER 116 - It's Him!

Maaga pa lang ay nagdudumadali nang pumasok sa kumpanya si Marigold. Pag-akyat sa top floor ay agad nitong tinungo ang opisina ni Mr. Javier.

Nagulat ang assistant na noo'y kasalukuyang nagsusuklay ng basa niyang buhok, nang bigla na lang magbukas ang pinto. Sa gulat ay nabitiwan nito ang suklay.

Dinampot nito ang suklay at humawak sa kanyang dibdib. "Mar-ma'm..... nakakagulat ka naman! Akala ko kung ano na e. Ano bang meron?" Tanong ni Mr. Javier sa bahagyang humihingal na si marigold.

"Mr. Javier.... " Lumapit ang dalaga sa mesa. "Magsabi po kayo ng totoo, tumawag na po ba siya sa inyo?"

Napamaang si Mr. Javier. "S-sino?"

"Si chardon! Malakas kasi ang pakiramdam ko na nariyan lang siya sa tabi e. Pero nagtataka lang ako, kung totoo mang nandito na siya, bakit naman hindi siya nagpapakita?"

Bumuntong-hininga si Mr. Javier. Nauunawaan nito ang pinagdadaanan ni marigold. "Ma'm, wala pa si sir. kaya sana lang ay magpakatatag ka habang hinihintay ang pagbabalik niya. Alam kong nam