CHAPTER 19 - Hidden Envy And Jealousy

"Ibig sabihin... Maaaring nagkaka-interes si Mr. Atanante sa 'yo."

Natigilan ako't biglang bumilis ang tibok ng puso ko sa sinabi ni carla. Halu-halong emosyon ang nararamdaman ko at parang hindi ako makapaniwala sa sinabi n'ya.

"O bakit tulala ka na diyan? Parang ang hirap paniwalaan no?..... Kung tutuusin, kung related sa trabaho, si Mrs. Valdez ang bahalang mamagitan sa 'tin sa mga nakatataas..... "

Humithit s'ya at muli n'yang ibinuga ang usok.

"..... At lalong, hindi namamagitan ang Ceo sa mga maliliit na empleyadong kagaya natin. Dahil mga executives lang ang mini-meet nila't nagre-report sa kanila sa kumpanya."

Bigla akong nagkaroon ng reyalisasyon sa mga sinabi ni carla.

Naalala ko kung paano ako tratuhin ni Mr. Atanante nitong huling araw. Nagtataka pa nga ako kung bakit parang bigla na lang siyang naging mabait sa 'kin magbuhat nu'ng nakatulog ako sa office n'ya. Ngayon ko lang naisip, dahil nga kaya iyon sa sinasabi ni Carla?

Pero....

"H-hindi... imposible. B-bakit mo nam