Chapter 16

DALAWANG gabi na hindi nabisita ni Midnight si Samara. May inaasikaso ito sa ibang business at walang update kung kailan ang kasal nila. Umaasa si Liza na mamadaliin ni Midnight ang kasal, kaso nagkataong busy na ito.

Sabado ng hapon ay mayroong business conference meeting at nakatoka si Liza sa pagkain ng mga bisita. Nagtataka siya bakit madalas na si Mica sa hotel. Daig pa nito ang boss kung magmando sa mga staff. Silang dalawa ni Lara ang naka-assign sa pag-asikaso ng pagkain ng bisita.

“Umalis na ba si Ma’am Mica?” pabulong na tanong sa kaniya ni Lara.

Naroon sila sa extension ng conference room na nagsisilhing kusina. Mas malapit doon kaya doon na nila dinala ang mga pagkain.

“Hindi ko napansin. Bakit?” aniya. Gumagawa siya ng tuna sandwich.

“Maarte kasi ‘yon. Ang dami niyang gustong ipabago sa routine natin sa restaurant.”

“Bakit siya nakikialam?” Hindi niya gusto ang narinig ng impormasyon.

“Siya na kasi ang hotel consultant. Actually, business consultant siya ni Sir Midn