14

Chapter 14

Nagtatanggal pa lamang ng necktie si Clive ay inabot na kaagad niya ang bote ng mamahaling alak sa bar counter, malapit sa may hagdan. He opened it and chugged. Dapat ay parati na may nakahanda na kaagad kapag dumarating siya. He has bars everywhere, pero ang main niya ay nasa second flor, sa isang kwarto roon na parang maliit na bar talaga. Natuto lamang siyang uminom sa kwarto ay nang iwan siya ng misis niya.

"Hindi ka pa man lang nakakapagbihis ay alak na kaagad ang hawak mo," anang malumanay at walang kasing lambing na boses ng kanyang yaya.

"I've been working all day, yaya. This is just my comfort zone," aniya sa matanda.

Lumapit iyon at kinuha ang coat niyang nakaitsa sa sofa, at ang necktie niyang nasa hawakan ng hagdan.

"Kumusta naman ang unang araw mo ulit sa trabaho?"

Ito siguro ang kaisa-isang tao na hindi nagsawa na mangamusta sa kanya, mula noon pa. Masungit siya pero hindi nito iyon pansin. This old lady always gave him care and love, and understanding.