Chapter 37

Nagmamadali silang naligo ni Harvy. Doon na ito naligo sa sariling kwarto at baka kung ano pa daw ang magawa ng lalaki sa kanya. Hinalikan pa siya nito bago umalis ng kwarto niya. Masaya ang puso niya kahit wala silang label. Ngayon pa lang, naaamoy na niya na magiging sila talaga ng lalaki.

Hindi ito basta matutukso sa kanya kung wala lang. Pagkaligo niya ay nagshorts na lang siya. Mag aayos na kasi siya ng sarili. Hinihintay pa niya si Amihan para matulungan siyang magready.

Nasa kalagitnaan na siya ng pag aayos, ng dumating ang kaibigan. Bihis na bihis na ito.

"Sorry friend at nalate ako. Ang traffic kasi eh. Ako ng mag aayos ng buhok mo" sabi nito.

Pumasok na rin si Malena na nakaayos na. Hindi niya agad ito nakilala.

"Malena?" paninigurado niya.

"Oo.. ako lang to.. dala ko na ang damit at sapatos mo." Yumuko ito at isinuot sa kanyang mga paa ang kanyang sapatos.

"Naalala mo ba siya Ami? siya yung batang pinapasalubungan natin noon."

"Ah, naku, at dalaga ka na pala. Ang ganda mo h