Chapter Thirty Six: Katotohanan

Mariin siyang napalunok habang minamasdan ang loob ng kubo. Tulad sa kwarto doon sa mansyon kung saan siya nadatnan ni Leandro ay may nakita rin siyang mga paintings na nakakalat doon sa loob.

Ibat-ibang mga paintings. Meron doon painting ng talon, ng isang paru-parong nakadapo sa isang bulaklak, ng isang langit na kulay kahel na may papalubog na araw, at ng isang kagubatan na kung saan tagos ang sinag ng araw. Pero hindi ang mga iyon ang nakaagaw ng kanyang pansin, kundi ang painting ng isang lalake na nakangiti habang nakaupo sa isang malaking bato na pamilyar sa kanya. Ito yung malaking bato doon sa ibaba ng talon. At ang lalakeng iyon ay walang iba kundi ang kuya Will niya.

Ipinagtaka niya kung bakit may painting doon ang kapatid. Ngunit nasagot ang lahat ng iyon ng makita niya ang isang punit na larawan.

Yumuko siya at unti-unti iyon pinulot. At napatutop siya ng bibig ng mabuklat niya iyon.

Again, it was a photo of her brother, pero ang ikina-gimbal niya ay ng makita kung si