TMST 27 - Beef Pares

"Ice cream, Ma'am?"

Napalingon si Lucky kay Psalm na umupo sa tabi niya. Tinitigan niya ang hawak nitong dirty ice cream.

"Ah, hindi ba kayo kumakain nito?" nahihiyang tanong ng lalaki, nang hindi siya sumagot ay binawi nito ang hawak. "A-ano na lang ang gusto mo Ma'am? Ibibili kita."

"No, it's fine. Kumakain naman ako n'yan. Naalala ko lang si Genesis. Iyan din ang binibili niya sa akin kapag nasa square kami." Totoo, iyon. Kahit hindi halata sa itsura ng kaibigan niya, si Genesis ang nag-introduce sa kanya sa iba't-ibang uri ng street foods, at madalas sila mag-food trip ng lalaki sa square tuwing uwian nila noong high school.

"Oh? Bakit mo tinapon?" Nagulat, at kunot ang noo na tanong ni Lucky. Bigla na lang kasing tinapon ni Psalm ang ice cream sa basurahan sa tabi ng puno malapit sa kanila, kahit ang kinakain nito ay itinapon rin.

"Huwag na lang pala ice cream, Ma'am." Tumayo ito at inilahad ang kamay sa kanya.

Nag-alangan man si Lucky, tinanggap niya ang kamay ni Psalm at