Kabanata 35

Parehong nanlalaki ang mga mata nila Semion at Celeste sa pagkabigla dahil sa pagsigaw na iyon ni Darson. Pareho silang ‘di makapaniwala sa katapangang pinapakita nito ngayon sa ibaba ng mababaw na enteblado.

Hindi maipinta ang mukha ni Darson ngayon na nakatingala sa dalawa partikular sa asawa niya. “Celeste! Don't make me repeat it twice. Huwag mong hintayin na kaladkarin kita palabas sa lugar na ‘to!”

“Ano…?” abot-abot ang kaba sa dibdib ni Celeste. Oo, gusto niyang masurpresa ang lalaking ito ngayong gabi. Gusto niyang ipakita rito na hindi siya abandonadong babae! Pero hindi sumagi sa isipan niya na bigla-bigla nitong ibababa ang sarili para gumawa ng iskandalo bago pa man niya ipakita ang katayuan niya ngayon sa pamilyang Lombardi.

Kitang-kita rin ang pagkagulat ng mga bisita. Lahat ay napapasinghap ng hangin at napapalaki ng mga mata. Ramdam na ramdam ang tensyong naglilipana sa kabuuan ng lugar! Sinong ang makakapredikta na ang dapat sana'y masayang party ngayong gabi ay mapu