Kabanata 38

Matapos ang solong sayaw nina Semion at Celeste ay doon lamang din nagsimulang magsayaw sa dancefloor ang mga couple na nais sumayaw.

“Semion, may kakausapin lang ako sandali, mag-entertain ka na rin muna ng mga kaibigan mo.” paalam ni Celeste at bumitaw sa pagkakakapit sa braso ni Semion.

“Huh? Saan ka pupunta?” kunot-noong tanong ni Semion, hinabol pa ang kamay niya.

Sumilay ang mapaglarong ngiti sa labi ni Celeste. “Pupuntahan ko lang ang mga kaibigan ko.”

“Oh,” dahil narinig ni Semion ang naging usapan ng mga babae kanina mula sa wireless earphones at napagtanto na niya kung anong ibig-sabihin ni Celeste. “Sure, have fun. Doon lang ako banda kung kailanganin mo.”

“Okay.” naghiwalay sila ng landas.

Sa sandaling iyon ay kanina pa walang imik ang kaninang madaldal na mga babae na sina Veron, Ranina, at Anetta na nakatayo sa kaninang stand-up table kung sila huling iniwan ni Celeste. Pare-pareho silang napipipilan sa sunod-sunod na pangyayari ngayong gabi na talaga namang hindi n