Kabanata 40

At Allegra's Residence…

Malakas na sampal ang inabot ni Darson sa kamay ng kanyang ama sa si Demetrio. Nakuyom niya ang sariling kamao at pinanatili ang pagtagilid ng kanyang ulo, hindi magawang labanan ang napakatalim na titig ng sariling ama.

“Estupido! Alam mo ba kung anong kapahamakan ang dinala mo sa buong pamilya?!” nanggagalaiti sa galit na bulyaw sa kanya. “Anong sumapi sa’yo at naisipan mo pang gumawa ng eskandalo mismo sa lugar na ‘yon? Sino ka para utusan ang dati mong asawa na iyon?! Pinatunayan mo pa sa lahat kung paano mo siya basta na lang tratuhin! Paniguradong nasa kanya ang simpatya ng mga tao!!”

Madiin niyang kinagat ang dila niya, pinipigilan ang sarili na sagutin ang ama dahil paniguradong mabubugbog na naman siya nito.

“Oo, alam kong nakakagulat na nagawa ng magaling na babaeng ‘yon na sumiping sa tagapagmana ng Lombardi! Pero maling-mali na nagpakita ka ng ganoong reaksyon! Ano?! May nararamdaman ka ba sa babaeng ‘yon at apektado ka?!” halos mapigti ang litid nit