Kabanata 43

“Isa-isa nang napadala ang mga formal invitations sa gaganaping wedding natin.” blangkong ekspresyong saad ni Semion. “Kabilang na roon ang pamilyang Allegra. Nandiyaan ang listahan ng mga imbitado. Mayroon ka pa bang gustong idagdag?”

Binasa ni Celeste sa mga piraso ng papel ang mga pangalang imbitado sa kasal nila ni Semion. Naroon na ang mga peke niyang kaibigan at ang mga taong minsang tinapakan ang pagkatao niya nang bumagsak ang kanyang pamilya.

“Um, Semion, kung puwede sana, mayroon pa akong gustong imbitahan sa kasalan na ‘to.”

“Sure, who are they?” napasandal si Semion sa itim na kutson sa sala.

“Mga farmers sila ng pamilya namin. Dahil masyado akong nagluluksa nitong mga nakaraang taon at buwan, hindi ko na sila nababantayan. Ayaw ko naman isipin nila na tuluyan nang nawala ang mga Costa gayong nandito pa naman ako. Halos kapamilya na rin kasi namin sila kaya gusto ko na sa kasal na iyon ay hindi puro pakitang tao lang ang makikita ko.” paliwanag ni Celeste.

“Hmm, sure. Shoul