Kabanata 85

Nagpatuloy ang kasal sa kabila ng nangyaring kaguluhan, dahilan upang kuwestyunin ni Celeste ang sarili kung tunay nga ba ang naganap kanina o isa lamang bangungot.

Simula nang dumating sila sa simbahan, maglakad siya sa altar, sumunod sa seremonyas, pagpapalitan ng vows, maging ang pagsabi ng katagang I do, para lamang siyang lumulutang sa ere. Nangyari ang lahat ng iyon bago niya pa mapagtanto marahil ang gumugulo sa isipan niya ay ang pagkikita nila ni Anna at ang mga putukan ng mga baril.

Sa bilis ng pangyayari ay ganoon na lang ito kahirap para sa kanya na iproseso. Kahit anong pagpapakalma niya sa sarili ay hindi parin siya mapakali sa takot na baka sumunod ang mga taong iyon sa kanilang lokasyon. Kapag nagkataaon, maraming mga inosente ang madadamay.

Subalit kahit ilang beses tingnan ni Celeste si Valentina, Luca, maging sina Lyn at Lisa, normal lamang ang mga ito na tila hindi na-trauma sa nangyari kanina. Nagagawa nilang ngumiti, makipag-usap sa iba ng normal, at gawin pari