Chapter 29

Dahil umalis sina Sydney at Ryker para sa meeting ay sa cafeteria ng company siya kumain ng lunch. Kasama niya ngayon si Sierra at kumakain. Nang bumaba kasi siya rito ay eksatong nagkasalubong sila kaya nagsabay na silang um-order ng pagkain nila. Ito ang pang limang araw niya mula ng magtrabaho siya rito at masasabi niyang marami siyang natutunan.

Aktong susubo siya ng kanin nang may isang lalaking naupo sa bakanteng silya at nagplaster ng ngiti sa labi. Ang mata nito ay agad nakatutok sa kan'ya. Dahil likas na mabait siya ay ginantihan niya ito ng tipid ng ngiti at itinuloy na ang pagsubo. Sa una ay nakatingin lang ang lalaki sa kaniya na animo pinag-aaralan siya kaya nakaramdam siya ng pagkaasiwa.

Si Sierra ang agad na pumutol sa pagtitig nito sa kaniya.

"Hoy! Denver, 'yang titig mo," natatawang puna ni Sierra sa lalaki na agad napahawak sa batok at nahihiyang nagbawi ng tingin.

"Sorry, ang ganda mo kasi," bigkas nito dahilan para lalong pumula ang pisngi niya.

"Kapag natuklasan n