Chapter 50

Humigpit ang hawak ni Ryker sa cellphone na nakatapat sa kaniyang taynga nang marinig ang ibinalita ni Rowan sa kaniya. Kausap niya kanina ang manager ng IT department nang makatanggap siya ng tawag mula sa lalaki. Nagliliyab ang mata niya sa galit pagkarinig sa sinabi nito.

"Check all the security cameras and catch that bastard!" galit na utos niya. Sino ang may lakas ng loob na takutin at magbigay ng threat kay Kelly? "I will grind and crush that piece of shit into pieces!"

Nang mawala na si Rowan sa kabilang linya ay eksaktong bumalik si Sydney na galing sa security room. Halos madaling araw na rito pero ito at hindi sila natutulog dahil sa problemang kinakaharap ng kompanya. Hinahanap kasi nila ang traces ng taong nag-hack sa security system. Alam nilang ang gumawa rin nito ay empleyado ng kompanya at nasa IT department o 'di kaya ay naka-assign sa security room. Dahil kung hindi ay paano agad nito na-hack ang system gayong mahigpit ang seguridad ng kompanya nila.

"Gusto kong maiw