Chapter 51

Mahimbing ang tulog ni Kelly na nakatulog sa bisig niya kanina nang mapagod na umiyak habang si Ryker ay nakaupo sa tabi nito at nakasandal siya sa headboard ng kama. Nasa kandungan niya ang laptop at binabasa ang email na pinadala ng delivery company. Gusto sana niyang siya ang personal na pumunta roon pero dahil ayaw niyang iwan ang dalaga ay si Rowan at Rhian ang inutusan niya.

Ang embistigasyon galing sa delivery company ay very detailed at pulido. Nalaman na raw nila ang may-ari ng uniform na nagngangalang Neil. Umamin na rin ito na binayaran ito ng malaking halaga para lang sa uniform. At hinahanap na nila ngayon ang lalaking nagbayad dito na ang pangalan ay Jerome Idaho. Na sana ay hindi lang alyas ng lalaki nang magpakilala ito sa una. Ipapadala na lang uli ang embistigasyon sa kaniya kung mahanap nila si Jerome.

Hindi raw uupo at maghihintay lang ang company dahil nadawit ang pangalan nila dahil sa insidenteng 'to. Magtutulungan sila upang mahanap ang culprit at utak nito.

Ka