Chapter 59

Nang pumasok si Ryker sa malawak na sala ay sumalubong sa kaniya ang malakas na halakhak ni Kelly. Sa television ay may reality show na kasalukuyang pinapalabas doon at iyon ang tinatawanan ng dalaga. Sa halip na lapitan niya ito ay sumandal siya sa hamba ng pinto at pinagmasdan ito. Malayang nakalugay ang buhok nito at nakasuot ito ng pambahay na damit. Pero hindi iyon nakabawas sa gandang taglay nito. Hindi nakakasawang pagmasdan ang kariktan nito. Kung hindi niya naalala ang lahat at patuloy na sinasaktan niya ito ay siya na rin ang gumawa ng ikakasira ng dalaga.

Bumuntong hininga siya, wala pa rin siyang balak na istorbohin ang dalaga kaya nanatili siya sa kaniyang puwesto. Nakita niya itong umabot ng strawberry sa mangkok at isinubo iyon sabay kagat. Ang naiwang kalahati sa daliri nito ay tinignan nito iyon at ngumiwi.

"Bakit ang asim nito? Hindi naman ang ibang kinain ko kanina, ah!" narinig niyang usal nito at kumuha uli ng isa at isinubo iyon ng buo. Para itong hamster nang lu