Chapter 60

Mahimbing ang tulog ni Kelly ng umagang 'yun nang magising siya dahil sa makas at galit na boses. Salubong ang kilay na bumangon siya at bumaba ng kama. Hindi na siya nag-abalang suklayin ang buhok niya at basta na lang niya isinuot ang tsinelas niya at lumabas.

Nang muli niyang marinig ang boses na 'yun ay nagmamadali siyang naglakad. Nasa may punong hagdan na siya nang makita niya sa ibaba si Ryker at si Lolo Jones. Tuwid lang na nakatayo ang binata habang ang Lolo nito ay nakaduro ang tungkod sa una.

Gusto sana niyang pumanaog pero 'di sinasadyang napasulyap si Ryker sa kaniya. Makahulugang tumingin ito sa kaniya kaya umatras siya at hindi itinuloy ang pagbaba. Ngunit napatutop siya sa bibig at nanginig ang tuhod niya nang kitang-kita niya nang itaas ng matanda ang tungkod nito at ihampas kay Ryker.

"You're not listening to me, Ryker! Hindi mo sineseryoso ang mga sinasabi ko. Do you look down upon me?" galit na wika nito. "Ngayon pa na matanda ka na saka mo naisipang gawin 'to? Ano