Chapter 54

Pagkatapos maideposito ni Ryker ang natutulog na si Kelly sa kama ay tumindig siya at pinasadahan muna ng tingin ang mahimbing na mukha nito. Gigisngin sana niya ito pero nagdalawang isipp siya at sa huli ay binuhat na lamang niya ito hanggang dito sa kuwarto. Nang makontento siyang pagmasdan ang magandang mukha nito ay kumilos na siya at akmang lalabas pero napahinto siya at napahawak sa kaniyang ulo nang biglang kumirot iyon.

Ramdam niya ang malakas na pagpintig ng ugat niya sa sentido na animo pupuptok na iyon. Hindi niya napigilan ang mapadaing at itinukod ang kamay sa dingding upang kumuha ng suporta nang parang sasabog na talaga ang utak niya. Sa pabigla-biglang pagsakit ng kan’yang ulo katulad ngayon ay parang mahihilo na siya. Kailangan niyang makalabas muna rito at baka magising si Kelly. Ayaw niyang makita siya nito sa ganitong sitwasyon na hinang-hina at walang lakas.

He gritted his teeth and forcefully reached the doorknob and twisted it. Tagaktak na ang pawis niya ngunit