Chapter 44.2

Hindi ko alam kung saan pa ba ako nagkulang, ano pa ba ang kulang sa akin. Ginawa ko naman na ang lahat ng makakaya ko, lahat na ay sinakripisyo ko. Pero bakit ganito? Bakit ganito ang mga nangyayari sa buhay ko? Ano pa ba ang kailangan kong gawin? Siguradung-sigurado na ako na ginawa ko naman ang lahat ng makakaya ko, lahat ng mayroon ako ay binigay ko na.

Ubos na ubos na ako. Hindi ko na ngayon alam ang gagawin ko sa buhay ko, gusto ko na lang ngayon na sumuko sa buhay ko't hindi ako nakapasa. Na naman, hindi ulit ako nakapasa. Sa pangalawang pagkakataon kong muli, sa inaasahan kong kaya ko na, at 'yong akala kong ito na, ito na 'yong oras para sa akin. 

Hindi pa pala.

Walang tigil ang iyak ko dahil sa sobrang dami kong nilaan ng oras ko. Minsan hindi na talaga tungkol sa kung gaano karami ang pinag-aralan mo, kung gaano karami ang