Chapter 49

"Ikaw? Ako? Ako 'yong hinihintay mo? Iyong kanina mo pang sinasabi ay ako lang ba 'yon?" hindi makapaniwalang tanong ko at hanggang ngayon pa rin ay hindi ko matanggap na ako lang pala 'yong sinasabihan niya pang hinihintay niyang tao. Ang dami-dami ko pang sinabi sa isipan ko at lahat ng iyon ay ako lang pala? Ako lang pala ang tinutukoy niya? Na akala ko ay iba.

Tumawa naman siya nang mahina. "Simula pa lang ikaw lang naman 'yon. At sino pa ba? Nakakatawa naman na hindi mo naisip na ikaw 'yon? Ikaw naman kasi palagi, Attorney," sabi niya nang seryoso. Ang sarap din lalong pakinggan na tinatawag niya na akong Attorney. Kaya mas lalo akong hindi makaproseso at totoo ngang ako na pala ang sinasabi niya mula pa kanina.

Hindi ko alam ang gagawin ko, basta biglang pumasok sa isipan ko 'yong kapag nabigyan ako ng pagkakataon ay ilalaban ko na. Pero ngayon para