Chapter 43

“Sino ang mag-aakalang siya pa ang susugod dito sa villa,” ani Diego pagkatapos na i-seal ang ulo ni Dante sa box. Ang katawan ng lalaki ay kanina pa nila sinunog at naging abo. Ang ulo naman nito ay iuuwi nila ng pilipinas bago nila ito ipapadala kay Fenrir. “Maybe he wants to prove something to his father but he's powerless.”

“He's not even my match,” naka-cross arms na sabi ni Selena. “Pero magaling din siyang magtago. Ni hindi niyo siya nahanap sa palibot ng buong bundok na ‘to.”

“Sa pagtago lang naman pero sa actual combat ay wala siyang binatbat.” Ngumisi si Arjoe pagkatapos at binitbit na ang box. Ngayon ang balik nila ng pilipinas dahil hindi sila puwedeng magtagal dito. Isa pa ay halos tatlong araw din na absent sila sa school. Hindi naman ibig sabihin na dahil sila ang may-ari ng unibersidad ay aabusuhin na nila ang ito. Hindi naman yata ito tama at baka sabihin nilang masyado silang mayabang.

“Babalik kami ng Havilland at gigisingin ang inyong magulang. Ibabalita namin na h