48

“Mama! Halika! Sabay ka na sa amin! Ma!”

Kumaway lang ako pabalik kay Wyn na tuwang-tuwa na nakasakay sa bumper car kasama si Pierce na sumisigaw din sa akin.

“Xylc! Come on! Bump with us! It’s fun here!”

“Okay lang ako. Kayo na muna at mukhang nakakahilo! Wyn! Tingin sa camera at smile!”

Inakbayan ni Pierce ang anak at dalawa silang nag-pose ng wacky.

“Ang cute cute naman ng mag-ama,” rinig kong wika ng isang ginang sa likod.

“Mas cute ang daddy niya. Parang afam ang kagwapuhan,” sabi naman ng kasama nitong babae na nakaspaghetti-strap na sando.

Siniko ito ng nakatatandang babae sabay nakaw sa akin ng tingin.

“O, kalmahan at may asawa.”

“Sus, okay lang iyan at hanggang tingin lang naman ako. At sure ka bang kasal? Wala namang singsing.”

Nakangiting nagpatuloy na lang ako sa pagkuha ng mga pictures sa dalawa na nagpapa-cute pa rin sa kamera. Nang magsawa sa kakabangga sa kotse ay kinarga na ito ni Pierce para kumain sa paborito nitong bubuyog resto. Imbis na sa waterworld kami pumunt