47

“Ma,” bati ko sa ina nang mapagbuksan ko ito ng pinto. Agad kong kinuha ang mga dala nitong malalaking supot ng gulay at dinala sa kusina. Tamang-tama ito para sa lulutuin ko.

Kumuha naman ito ng baso at ng maiinom sa ref.

“Saan ba si Wyn? Ay! Biyernes pa pala ngayon. May pasok. Gusto ko sanang kunin para pumasyal sa bahay at nang makapaglaro naman sa kaniyang mga pinsan. Ano ba iyang niluluto mo?”

“Ginataang munggo. Ihahatid ko na lang mamaya si Wyn sa inyo, ma. Ilang oras lang naman ang klase nila ngayon. May event pa kasi sila sa school. Kakahatid lang ni...”

Nagbuntung-hininga ako. Hindi pa nga nila nila na nandito nagkakampo si Pierce ng ilang araw.

“Himala at nagluluto ka na ng ginataang munggo,” ani nito na hindi na napansin ang hindi ko pagtapos sa sasabihin. “Akala ko ba hindi ka na kakain niyan. Ayaw na ayaw mo nga iyang niluluto ko noon. Nagtataka nga ako at hindi ka naman dating pihikan sa pagkain.”

Nahinto ko ang paghuhugas ng monggo sa lababo sa narinig. Mula ng natang