46

Lumabas ako ng silid pagkatapos patulugin si Wyn. Kumuha ako ng isang bote ng beer at mag-isang uminom sa kusina. Patay ang ilaw kaya malaya akong umiyak.

Natatakot ako sa maaring isipin ng anak ko sa akin tungkol sa ginawi ko kanina. Mabait sa kaniya si Marga. Baka isipin nito na masamang tao ako, na baka ganon lang kadali sa akin ang saktan ang isang tao.

Humagod ang pait at anghang ng alak sa aking lalamunan pero hindi sapat iyon para bumuti ang aking pakiramdam. Takot ako. Takot na takot lalo pa at hindi ko pala naitago sa ibang tao ang sikreto ko. Kahit ang mga kaibigan ko ay hindi alam ang lahat. Ayaw ko silang idamay sa problemang ako rin naman ang pumasok.

Nagsunud-sunod na ang paglagok ko sa bote. Ginawa ko na itong tubig habang malalim akong nag-iisip ng solusyon. Pero kahit ano ang gawin kong paghuhunay sa utak ko ay wala pa rin akong mahanap na sagot. Hindi ko na talaga alam kung paano lulusutan ito.

Muntik na akong malaglag sa upuan nang biglang bumukas ang pinto backd