Kabanata 121

MIKAY

"Moma, ano pong gagawin ko?"

Ayaw ko man ilagay ang anak ko sa ganitong sitwasyon ay wala akong magawa.

"Basta sasagot ka lang kung ano ang itatanong sa iyo."

"Parang exam po?"

Tumango ako. "Opo," nakangiting saad ko.

Huminga ako ng malalim. Ngayon ang hearing, at noong isang araw pa dumating ang aking anak. Tinanong na rin siya ni Attorney at nakakasagot naman ng maayos ang anak ko.

"Moma, kinakabahan ka po?"

Muling nabaling ang aking tingin sa kaniya.

Umiling ako. "Hindi po," pagsisinungaling ko.

Hinawakan niya ang aking kamay.

"Huwag ka pong mag-alala, Moma. Sasagutin ko ang mga tanong nila. Para perfect score po makuha natin."

Hinalikan ko ang tuktok ng kaniyang ulo. Ngumiti siya sa akin ng matamis saka kami muling naglakad. Ngayon palang ay pinapatay ko na ang lalaking iyon sa aking isipan. Siya ang dahilan kung bakit nangyayari ito sa amin ngayon.

Marahas akong napabuntong hininga nang makapasok na kami sa loob. Wala naman masyadong tao sa loob, kasi exclusive lang ito sa