Kabanata 43

MIKAY

"Ahhhh!" impit na sigaw ko habang nakatakip ang unan sa aking mukha dahil sa feels na nararamdaman ko.

Ewan ko ba! Pero hindi ko maiwasang uminit ang aking pisngi sa tuwing naaalala ko ang nangyari sa garden. Halos hindi pa nga ako nakatulog kagabi dahil hindi talaga ako mapakali. Grabe! I can't talaga!

"Kalma Mikay! Huwag kang OA! Kumalma ka," kumbinsi ko sa aking sarili ko pero... "Ahhhh!" Dinaig ko na ang uod na binudburan ng asin dahil sa pagwawala ko sa kama.

Huminga ako ng malalim habang pilit kong kinakalma ang aking sarili, kahit papaano ay epektibo naman ito. Umupo ako sa aking kama. Paulit-ulit na inhale exhale ang ginawa ko.

"Kailangan mo pang lumabas Mikay kaya umayos ka. Baka mamaya sabihin ni Damonyo kinikilig ka sa nangyari," saad ko sa aking sarili.

"Mikay, anak."

Halos mapatalon ako sa gulat nang biglang kumatok si Nay Cristy sa aking pintuan. Mabilis ko namang inayos ang aking sarili maging ang kama kong tila nabagyo dahil sa pagwawala ko kanina. Nang masiguro